ba-qadr-e-zauq jo mohkam nahin hai
Interesting Fact
مرقومہ 22 مئی 1959ء
ba-qadr-e-zauq jo mohkam nahīñ hai
vo koī ġham ho merā ġham nahīñ hai
jise husn-e-azal ne ḳhud sañvārā
vo merā dil hai jām-e-jam nahīñ hai
surūr-o-shauq kī duniyā hai merī
faqīrī bhī mujhe kuchh kam nahīñ hai
hai dil pyārā shikast-e-dil bhī pyārī
nigāh-e-shoḳh bhī kuchh kam nahīñ hai
falak ke chāñd taaro aao dekho
shikasta dil bhī tum se kam nahīñ hai
haiñ ahl-e-shauq ke vo muntazir 'tāj'
vo hai mahrūm jo mahram nahīñ hai
ba-qadr-e-zauq jo mohkam nahin hai
wo koi gham ho mera gham nahin hai
jise husn-e-azal ne KHud sanwara
wo mera dil hai jam-e-jam nahin hai
surur-o-shauq ki duniya hai meri
faqiri bhi mujhe kuchh kam nahin hai
hai dil pyara shikast-e-dil bhi pyari
nigah-e-shoKH bhi kuchh kam nahin hai
falak ke chand taro aao dekho
shikasta dil bhi tum se kam nahin hai
hain ahl-e-shauq ke wo muntazir 'taj'
wo hai mahrūm jo mahram nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
