متکوب نمبر ۷

بسم اللہ الرحمن الرحیم

عارفِ معارف حق آگاہ عاشق اللہ میرے بھائی خواجہ قطب الدین اوشی اللہ تعالیٰ آپ کے فقر کو زیادہ کرے، دعا گو کی طرف سے انس آمیز سلام کے بعد مکشوف رائے معرفت پیرائے ہو۔

عزیز من! اپنے مریدوں کو ضرور بتا دینا کہ فقیر و مرشد کامل سے کیا مراد ہے اور اس کی علامت کیا ہے اور یہ کیونکر پہچانا جاتا ہے۔

مشائخ طریقت قدس اللہ اسرارہم نے فرمایا ہے کہ ’’الفقر ما لا یحتاج الی کل شیئی“ فقیر اس شخص کو کہتے ہیں جو تمام ضروریات سے فارغ ہو اور اس کے باقی رہنے والے چہرہ کے اور کسی چیز کا طالب نہ ہو چونکہ تمام موجودات اس کے باقی رہنے والے چہرے کا آئینہ اور مظہر ہے، اس واسطے وہ ان سے اپنا مقصود دیکھتا ہے۔

بعض لوگوں نے اس کی تشریح یوں فرمائی ہے کہ کامل فقیر اسے کہتے ہیں کہ جس کے دل سے سوائے حق کے سب کچھ دور ہو اور اللہ تعالیٰ کے سوا اور کوئی اس کا مقصود یا مطلوب نہ ہو، جب ما سوائے اللہ دل سے دور ہوجاتا ہے مقصد حاصل ہوجاتا ہے، پس طالب کو ہمیشہ مطلوب و مقصود کے درپے رہنا چاہیے، اب یہ معلوم کرلینا چاہیے کہ مطلوب و مقصود کیا ہے۔

سو واضح رہے کہ مقصود یہی درد و سوز ہے، خواہ حقیقی ہو خواہ مجازی، یہاں سوز مجازی سے ابتدائے شریعت کے احکام ہیں۔ والسلام