جہاں میں مصطفیٰ کے لاڈلے تشریف لے آئے

جہاں میں مصطفیٰ کے لاڈلے تشریف لے آئے

علی المرتضی آئے علی شیر خدا آئے

جہاں وہ پنجتن میں ہیں وہیں اصحاب میں بھی ہیں

وہ جن کو مژدہ جنت ملا ان میں علی آئے

در حیدر یہ وہ در ہے جہاں ملتا ہے بن مانگے

بس ان سے پیار ہو پھر ہاتھ بڑھائے نہ پھیلائے

ابو بکر و عمر عثمان و حیدر جنتی ہیں سب

جو ان سے بغض رکھے گا وہ مولیٰ سے سزا پائے

علی مولیٰ اغثنی جو وظیفہ یہ پکارے گا

تو پھر اللہ سے بیشک وہ جنت کی جزا پائے

محبت اس گھرانے کی میرا ایمان ہے عابدؔ

سوا اس کے زمانے میں بھلا کیسے جیا جائے