لا یمکن الثناء کما کان حقہ
لا یمکن الثناء کما کان حقہ
یا رحمت اللعالمیں نورِ ہدیٰ ہے تو
شمس الضحیٰ کا تاج ہے بدرالدجیٰ ہے تو
خیرالبشر ہے اور شفیع الورا ہے تو
’’لا یمکن الثناء کما کان حقہ‘‘
’’بعد از خدا بزرگ توئی قصہ مختصر‘‘
عرشِ علیٰ پہ حضرتِ حق سے ملا ہے تو
سدرہ نشیں و زینتِ بزمِ دنیٰ ہے تو
اللہ جانتا ہے حقیقت میں کیا ہے تو
لا یمکن الثناء کما کان حقہ
بعد از خدا بزرگ توئی قصہ مختصر
مالک تو عرش و فرش کا قبضہ میں بحر و بر
تیرا ہی کلمہ پڑھتے ہیں سارے شجر حجر
شق ہو کے اک اشارے پہ کہتا ہے یہ قمر
لا یمکن الثناء کما کان حقہ
بعد از خدا بزرگ توئی قصہ مختصر
آدم کی آرزو ہے دعائے خلیل ہے
تیرا وجود زینتِ بزم جمیل ہے
ظل خدا ہے مظہرِ رب جلیل ہے
لا یمکن الثناء کما کان حقہ
بعد از خدا بزرگ توئی قصہ مختصر
باطل کو حق کے سامنے یوں سرنگوں کیا
بو جہل دم بخود ہوا، حیران رہ گیا
پتھر کے دل میں جذبۂ توحید بھر دیا
لا یمکن الثناء کما کان حقہ
بعد از خدا بزرگ توئی قصہ مختصر
پھیلی ہے تیرے نور سے عالم میں روشنی
ظاہر ہیں تیرے سامنے راز جلی خفی
غنچے چٹک کے کہتے ہیں کھل کر یہ ہر کلی
لا یمکن الثناء کما کان حقہ
بعد از خدا بزرگ توئی قصہ مختصر
حیرت میں تیرے جلوؤں سے وادیٔ طور ہے
تو خود بھی نور ہے ترا سایہ بھی نور ہے
کیا جاں فزا یہ نغمۂ غلمان و حور ہے
لا یمکن الثناء کما کان حقہ
بعد از خدا بزرگ توئی قصہ مختصر
بندہ کی شکل میں تو وہ بندہ نواز ہے
تیرے وجودِ پاک پہ قدرت کو ناز ہے
کونین کا خلاصہ حقیقت کا راز ہے
لا یمکن الثناء کما کان حقہ
بعد از خدا بزرگ توئی قصہ مختصر
سر چشمۂ عطا ہے تو بحرِ سخا ہے تو
بیکس کے دردمند کے غم کی دوا ہے تو
امت کا روزِ حشر فقط آسرا ہے تو
لا یمکن الثناء کما کان حقہ
بعد از خدا بزرگ توئی قصہ مختصر
عارفؔ ترا غلام تو خیرالانام ہے
بندے سے تیرا وصف ہو مشکل یہ کام ہے
جبریل دم بخود ہے ادب کا مقام ہے
لا یمکن الثناء کما کان حقہ
بعد از خدا بزرگ توئی قصہ مختصر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
