زیبِ کونین بہارِ چمن مطلبی

زیبِ کونین بہارِ چمن مطلبی

نہ ہوا اور نہ ہوئے گا کوئی تم سا نبی

شافعِ روزِ جزا سرورِ عالی نسبی

مرحبا سید مکی مدنی العربی

دل و جاں باد فدایت کہ عجب خوش لقبی

ذرہ خاک در پاک سے خورشید ہے کم

آپ کے نور سے روشن ہوئے دونوں عالم

رخ ہے آئینہ قدرت مجھے کعبے کی قسم

من بے دل بجمالِ تو عجب حیرانم

اللہ اللہ چہ جمال است بدیں بوالعجبی

ابر رحمت ہو تمہیں اے شہ عالی درجات

حشر میں آپ ہی کے ہاتھ سبھوں کی ہے نجات

ہوگی محشر میں زباں پر یہی ہر ایک کے بات

ماہمہ تشنہ لبانیم و توئی آبِ حیات

لطف فرما کہ زحد میگذر د تشنہ لبی

کوچہ حضرت کا ہے صد رشک و باغ ارم

صدقے ہے سنگِ درِ پاک پہ عرشِ اعظم

آپ کا رتبۂ عالی ہے وہ یاشاہِ امم

نسبتے خود بہ سگت کردم و بس منفعلم

زانکہ نسبت بہ سگ کوئے تو شد بے ادبی

شوق دیدار میں بیتاب ہوں دم پر ہے نبی

میری اے سیدِ کونین خبر لو جلدی

عرض قدسیؔ کی ہے جو وہی آشفتہ کی بھی

سیدی انت حبیبی و طبیب قلبی

آمدہ سوئے تو قدسی پئے درماں طلبی