انہی کے لطف سے ہے جوش پر قلزم ندامت کا

انہی کے لطف سے ہے جوش پر قلزم ندامت کا

انہی کے فیض سے چھلکی ہے میری چشمِ تر یا رب

جہاں پر سائلوں کی ہر دعا مقبول ہوتی ہے

زہے قسمت نگاہوں میں ہے وہ بابِ اثر یا رب

میسر ہو جسے اک بار ان کی آستان بوسی

کسی بھی آستان پر پھر نہیں جھکتا وہ سر یا رب

مدینے سے میں آیا ہوں یہی اک آرزو لے کر

کہ پہنچوں بارگاہِ ناز میں بارِ دگر یا رب

رہے عاصمؔ! تیرے محبوب کے دامن سے وابستہ

نہ غم دنیا کا ہو اس کو نہ محشر کا خطر یا رب