وہ خمِ ابرو کعبۂ جاں ہے سجدہ گہ عشاق جہاں ہے

وہ خمِ ابرو کعبۂ جاں ہے سجدہ گہ عشاق جہاں ہے

لعل لب اس کا قوت رواں ہے صلی اللہ علیہ وسلم

سب نبیوں میں محمد نامی ادب سے لوں میں نامِ گرامی

کام بنے دور ہو ناکامی صلی اللہ علیہ وسلم

کیا ہوئے جو درس میں پاؤں خاک قدم آنکھوں سے لگاؤں

صورت دیکھ نثار ہو جاؤں صلی اللہ علیہ وسلم

کیا جینا یہ تم بن جینا اس درد سے چاک ہو سینہ

ہم سے دور پڑا ہے مدینہ صلی اللہ علیہ وسلم

ہند کی خاک سے دور عرب ہے تن کو تاب و طاقت کب ہے

لیکن دل دیدار طلب ہے صلی اللہ علیہ وسلم

کیا ہوئے جو نصیب ہو یاور دیکھوں حسن و جمالِ پیمبر

ہووے دل و دماغ معطر صلی اللہ علیہ وسلم

حق نے تمہیں فرمایا یہ انا اعطینک الکوثر

مجھ کو دیجیو جام بہ محشر صلی اللہ علیہ وسلم

جوہرؔ یا گر پرز گناہ ہے موئے سفید و روئے سیاہ ہے

یا حضرت یہ شفاعت خواہ ہے صلی اللہ علیہ وسلم