زہے قسمت مرے آقا کے جو گن گا کے دیکھیں گے
زہے قسمت مرے آقا کے جو گن گا کے دیکھیں گے
وہ اپنے دل کو مثل آئینہ چکا کے دیکھیں گے
یقیناً زیست میں ہو جائے گی شامل ہر اک فرحت
طریقِ مصطفیٰ کو آپ اگر اپنا کے دیکھیں گے
بہت سے پارسا روزِ جزا دیکھیں گے حیرت سے
تبسم جب نبی میری طرف فرما کے دیکھیں گے
بفضلِ کبریا صبح و مسا رحمت برستی ہے
اگر اللہ نے چاہا مدینہ جاکے دیکھیں گے
اگر خاکِ مدینہ تو لگا لے اپنے چہرے پر
یقیناً چاند تارے پھر تجھے شرما کے دیکھیں گے
رہے گی منتظر خلد بریں ایسے دیوانوں کی
نبی کے ہجر میں جو اپنے دل تڑپا کے دیکھیں گے
ہماری اور تمہاری بات کیا ہے اہل محشر سب
بروز حشر جلوے سید والا کے دیکھیں گے
زہے قسمت بلائیں گے اگر سرکار طیبہ میں
تو جنت کے نظارے ہم وہاں بلکھا کے دیکھیں گے
یقیناً وارثیؔ جو مصطفیٰ چشم کرم کر دیں
تو خود کو ہم مدینہ طیبہ پہنچا کے دیکھیں گے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
