اللہ اللہ یہ مدینے کا سفر
اللہ اللہ یہ مدینے کا سفر
راہیں روشن منزلیں آسان تر
دل سراپا حسرتِ تعمیر ہے
خاک پائے مصطفیٰ اکسیر ہے
ہے نظر کے سامنے شہرِ جمال
مظہرِ شانِ خدائے ذوالجلال
تیری گلیاں تیرے گھر تیرے جبال
ہیں عبادت گاہِ صدیق و بلال
السلام اے روضۂ دُرِ یتیم
اے بہارِ خلد اے باغِ نعیم
اے خیابانِ حرم کی ڈالیو
سبز گنبد کی منور جالیو
ایک تیره بخت کا تم پر سلام
انتہائے شوق ہے سوزِ دوام
السلام اے سجده گاهِ مصطفیٰ
مرتبہ ہے تیرا کعبے سے سوا
میں کہ ہوں اب مصطفیٰ کے روبرو
سرورِ ارض و سما کے روبرو
میں رسالت کا عقیدت کیش ہوں
بارگاهِ عشق کا درویش ہوں
مجھ کو ازبر عشق کے آداب ہیں
حفظ سب سرکار کے القاب ہیں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
