سب سے بڑی ہے چیز محبت رسول کی

سب سے بڑی ہے چیز محبت رسول کی

ملتی ہے خوش نصیب کو الفت رسولؐ کی

اس نے ہے دو جہاں کو دل میں بسا لیا

جس نے بسائی دل میں عقیدت رسولؐ کی

رب سے اگر ہے پیار تو کیجیے نبی سے پیار

طاعت خدا کی دوست سے طاعت رسولؐ کی

اعمال کچھ بھی ہوں نہ ہوں لیکن یقین ہے

جنت میں لے کے جائے گی چاہت رسولؐ کی

جتنا بڑا ہو کوئی زمیں پر کچھ وہ نہیں

سب سے بڑی ہے خلق میں عظمت رسولؐ کی

اللہ دے گا اجر شہیدوں کا تم کو شوقؔ

زندہ کرو گے دوست جو سنت رسولؐ کی