آئیں کبھی تو ایسے بھی حالات دو گھڑی

آئیں کبھی تو ایسے بھی حالات دو گھڑی

گزریں مدینے پاک میں لمحات دو گھڑی

پھر یاد آ گئی ہے مدینے کی دوستو

پھر ہو گئی ہے اشکوں کی برسات دو گھڑی

تم پر میرے حبیب کی نظر کرم رہے

سن لو میرے حبیب کے نغمات دو گھڑی

شاید یہ پھر کبھی مجھے موقع نہ ہو نصیب

رک جا اے موت کر لوں میں اک بات دو گھڑی

تھا جلوۂ حبیب نگاہوں کے سامنے

آئی تھی زندگی میں اک رات دو گھڑی

تو بادشاہ حسن ہے میں ہوں تیرا فقیر

دے وصل کی نیازیؔ کو خیرات دو گھڑی