آقا تیری محفل کا ہے رنگ جدا_گانہ

آقا تیری محفل کا ہے رنگ جدا گانہ

ہم نے تو جسے دیکھا دیکھا ترا دیوانہ

نظروں سے ملا نظریں بھر دے مرا پیمانہ

آباد خدا رکھے ساقی ترا مے خانہ

آتے ہیں شہنشاہ بھی کشکول لئے در پر

کس شان کا ہے تیرا دربار کریمانہ

جی چاہتا ہے ان کے قدموں سے لپٹ جاؤں

وہ دیکھ کے فرمائیں دیوانہ ہے دیوانہ

دنیا کے ولی ہم نے یوں در پہ کھڑے پائے

ہونٹوں پہ ہیں فریادیں حالت ہے فقیرانہ

عظمت ہو بیاں کیسے دربار رسالت کی

جبریل بھی آتے ہیں جس در پہ غلامانہ

سرکار نیازیؔ کا دامان طلب بھر دو

حسنین کے صدقے سے مایوس نہ لوٹانا