کملی والے کے جو گدا ہو گئے
کملی والے کے جو گدا ہو گئے
دیکھتے دیکھتے کیا سے کیا ہو گئے
مصطفیٰؐ کے جو نقش قدم پر چلے
وہ زمانے کے خود پیشوا ہو گئے
نام لیوا ہیں جو میرے لج پال کے
وہ زمانے کے مشکل کشا ہو گئے
میرے لج پال کا تو ہے کہنا ہی کیا
ان کے منگتے بھی حاجت روا ہو گئے
ان مقدر کے ماروں کا کوئی نہیں
جو حبیب خدا سے جدا ہو گئے
حشر میں جب نہ کوئی سہارا ملا
میرے حامی مرے مصطفیٰؐ ہو گئے
رشک کیوں نہ کروں ان کی قسمت پہ میں
جو غلام حبیب خدا ہو گئے
نام ان کا نیازیؔ ہے روشن کہ جو
وقف ذکر حبیب خدا ہو گئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
