میں نے در_رسول پہ سر کو جھکا دیا

میں نے در رسول پہ سر کو جھکا دیا

میرا نصیب میرے نبی نے جگا دیا

سرشار کر دیا مجھے بے خود بنا دیا

اے چشم یار تو نے مجھے کیا پلا دیا

یاد رسول پاک نے کتنا مزا دیا

غم خانہ حیات کو جنت بنا دیا

اس پر ہوئی ہیں رحمت مولیٰ کی بارشیں

جس نے نبی کے نام پر سب کچھ لٹا دیا

میں اس سے بڑھ کے اور کیا حق سے کروں طلب

یہ کم نہیں جو آپ کا منگتا بنا دیا

آئے نہ رشک کیوں ہمیں اس کے نصیب پر

جس کو مرے حضورؐ نے جلوہ دکھا دیا