منگتوں پہ نظر یا گنج_شکر آباد رہے ترا پاک پتن

منگتوں پہ نظر یا گنج شکر آباد رہے ترا پاک پتن

اے خواجہ قطب کے نور نظر آباد رہے ترا پاک پتن

دل بہلے گا نہ کلیوں میں مجھے رہنے دو ان میں میں

تجھ پہ ہے فدا دل و جان و جگر آباد رہے ترا پاک پتن

تری دید کو اپنی عید کہیں سب تجھ کو فرید فرید کہیں

دیتے ہیں صدا صابر کلیر آباد رہے ترا پاک پتن

یوں بابا تری بارات سجی پیچھے ہیں ولی آگے ہیں علی

نبیوں کے نبی بھی تیرے گھر آباد رہے ترا پاک پتن

سہرے کی ہے رنگت اجمیری ہیں نور کے تاریں ہجویری

مخدوم نظام پڑھیں مل کر آباد رہے ترا پاک پتن

میں کیوں نہ فرید فرید کہوں میں کیوں نہ تری چوکھٹ چوموں

ہے در ترا جنت کا گھر آباد رہے ترا پاک پتن

ہیں حاضر در پر دیوانے یا گنج شکر اب تو جانے

کر دینا کرم بابا سب پر آباد رہے ترا پاک پتن

ہو خیر غریب نوازی بھرو جھولی غریب نیازیؔ کی

ہوتی ہے یہیں منگتوں کی گزر آباد رہے ترا پاک پتن