کملی والے کا جب نگر آیا
کملی والے کا جب نگر آیا
فرط جذبات سے جی بھر آیا
ہو گیا دل خوشی سے بے قابو
جب مدینے سے نامہ بر آیا
رقص کرنے لگے تھے زخم جگر
جب مرا چارہ گر نظر آیا
وقت رخصت تمہاری محفل سے
جو بھی آیا بہ چشم تر آیا
چشم نم ناک لرزہ بر اندام
تیرے در پر جو تاجور آیا
اشک بھر آئے میری آنکھوں میں
یاد طیبہ کا جب سفر آیا
جھک گئی خود جبیں نیازیؔ کی
جب محمد کا سنگ در آیا
مأخذ :
- کتاب : کلیات نیازی (Pg. 37)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
