تمہاری لا کا سب سے اعلیٰ درجہ

تمہاری لا کا سب سے اعلیٰ درجہ

بچا اس کے سبب ہی لا الہ ہے

ہمیں آتا ہے رشتوں کو نبھانا

ہماری درس گاہ کرب و بلا ہے

خدا نے جن کے اندر جان بخشی

وہی اب پوچھتے ہیں کیا خدا ہے

وفا ہوتی ہے کیا یہ ہم سے سیکھو

ہمارا پیشوا رب وفا ہے

امام شافعی بھی تھے پریشاں

خدا حیدر ہے یا حیدر خدا ہے

یہ میرے ہاتھ ہیں یہ میرا سینا

ترا اس میں بھلا کیا مسئلہ ہے

اسدؔ دنیا مجھے ٹھکرا رہی ہے

فقط در غوثِ اعظم کا کھلا ہے