عشق کے دفتر میں پہلے حمد ہو اللہ کا

عشق کے دفتر میں پہلے حمد ہو اللہ کا

ہر سطر میں تب کھلے گا معنی وجہ اللہ کا

دل کو میرے دیکھ لے ناصح تو پھر کچھ بولنا

تب تجھے معلوم ہوگا حال بیت اللہ کا

ہم تو عاشق ہیں نبی کے خاص از روز ازل

جس کا عاشق ہے خدا اور نور ہے اللہ کا

موت ہو حب نبی میں زندگی عشق نبی

بار احساں فاتحہ کا ہو نہ خلق اللہ کا

اے فقیرؔ اپنی تمنا دیکھیے پوری ہو کب

روضۂ جنت میں پہنچوں حکم ہو اللہ کا