کیا شان تری ہے صل_علی سلطان_الہند غریب_نواز

کیا شان تری ہے صل علی سلطان الہند غریب نواز

کہتے ہیں تجھے ادنیٰٰ اعلیٰ سلطان الہند غریب نواز

میں ایک نہیں ہوں تیرا گدا بہتیرے پڑے ہیں در پہ ترے

بھولو نہ مجھے تم یا مولا سلطان الہند غریب نواز

میں مفلس ہوں کیا نذر کروں قربان ہے تم پر جان اور دل

یہ ہدیہ ہو مقبول مرا سطان الہند غریب نواز

ڈھونڈا میں جہاں میں ہر اک جا اب تھک کر آیا ہوں میں یہاں

اجمیر میں پائے تم خواجہ سلطان الہند غریب نواز

دربار میں تیرے جو آیا سب مقصد دل کے بھر پایا

دلوا دے سکھی شیٔاً للہ سلطان الہند غریب نواز

ہر ایک وسیلہ رکھتا ہے میں تیرا ہوں تو میرا ہے

میرا نہ کوئی ہے تیرے سوا سلطان الہند غریب نواز