شاہد ہے خدا بعد میں کائنات بنی ہے

شاہد ہے خدا بعد میں کائنات بنی ہے

کائنات سے بھی پہلے تری ذات بنی ہے

اک جنبشِ ابرو سے طلاطم ہے فضا میں

جھٹکا ہے جو زلفوں کو تو برسات بنی ہے

جس دن سے ملی رخ پہ تری خاکِ کفِ پا

اس دن سے ہی اس چاند کی اوقات بنی ہے

الحمد سے والناس تلک پڑھ کے ہے دیکھا

کچھ اور نہیں آپ کی بس نعت بنی ہے

الفاظ سےہے بن گیا قرآن مبارک

لہجے سے تمہارے ہی تو قرات بنی ہے

یہ نام مصائب کو عدم کرتا ہے یارو

بس نامِ محمد ہی کے سب بات بنی ہے

غم پیارے نبی کا مجھے حاکمؔ جو ملا ہے

جب ہی تو مرے اشکوں کی سوغات بنی ہے