اے قضا ٹھہر جا ان سے کر لوں ذرا اک حسیں گفتگو آخری آخری

اے قضا ٹھہر جا ان سے کر لوں ذرا اک حسیں گفتگو آخری آخری

اور کوئی تمنا نہیں باخدا ہے یہی آرزو آخری آخری

آنسوؤں کی جو رت ہے بدل جائے گی جان آرام سے پھر نکل جائے گی

پوچھ لیں گر ذرا حا ل نازک میرا بیٹھ کر روبرو آخری آخری

میرے گھر میں وہ جس وقت آ جائیں گے ان کے دامن سے پل بھر لپٹ جائیں گے

سامنے ان کے نینوں کو کروائیں گے آنسوؤں سے وضو آخری آخری

میری حالت بظاہر تو کمزور ہے ان کے غم سے بندھی سانس کی ڈور ہے

پہنچ جاؤں فقط ان کے قدموں تلک ہے یہی جستجو آخری آخری

اس سے پہلے کہ اٹھ کر چلے جائیں وہ قصۂ غم مکمل نہ سن پائیں وہ

ہوش کر بے خبر وقت ہے مختصر بول دے لفظ تو آخری آخری

ان کی بستی میں لے چل مجھے چارہ گر دیکھنی ہیں وہ گلیاں فقط اک نظر

چاہتی ہے نگاہ ان کی ہو بارگاہ پیش کردوں سلام آخری آخری

رات ڈھلتے ہی یہ نبض رک جائے گی ٹوٹ کر شاخ سانسوں کی جھک جائے گی

ایسے لگتا ہے اب تو حاکمؔ مجھے ہوگی صبح و نمو آخری آخری