جہادِ زندگی میں جب کوئی مشکل مقام آیا
جہادِ زندگی میں جب کوئی مشکل مقام آیا
محمد مصطفیٰ کا اسم اعظم مرے کام آیا
زبانِ شوق پر میری محمد کا جو نام آیا
نبی پر عرش اعظم سے درود آیا سلام آیا
کرم ہے ساقی کوثر کا ہم سب تشنہ کاموں پر
جو ہاتھوں میں ہمارے بے طلب کوثر کا جام آیا
زمیں پر آسماں سے ہو رہی تھی نور کی بارش
حرا کے غار میں جب حق تعالیٰ کا کلام آیا
حیات و موت وابستہ ہی یاد شہ دیں سے
مرا جینا بھی کام آیا مرا مرنا بھی کام آیا
بیاں کیوں کر مجھ سے سرورِ کونین کی عظمت
خدا کے بعد سرکارِ دو عالم ہی کا نام آیا
تجلی عرشِ اعظم کی سمائی ہے مرے دل میں
نظر کے سامنے جب روضۂ خیرالانام آیا
اٹھا صل علیٰ کا شور ہر محفل میں اے بزمیؔ
سنانے کے لیے نعت نبی جب یہ غلام آیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
