پڑھ کے بسم اللہ الحمدللہ پڑھ

پڑھ کے بسم اللہ الحمدللہ پڑھ

صاف قرآن میں ہے دیکھ لکھا ہوا

شکرِ رب کر ادا تو ہر اک سانس میں

تیرا رتبہ فرشتوں سے اعلیٰ ہوا

اس کو قدرت اسی کی ہے یہ مصلحت

ابنِ آدم کو ہی بخشی ہیں دو صفت

ربِّ ارنی کہا طور سرمہ ہوا

قم باذنی کہا مردہ زندہ ہوا

بس ذرا غور اس بات پر کر بشر

مستقل قبر بھی تو نہیں تیرا گھر

کس کا مالک تو کیا ملکیت ہے تری

پاس کیا تھا ترے جب تو پیدا ہوا

میرے مولا تو بیشک ہے نکتہ نواز

تیری رحمت پہ ہی ناز کرتا ہے نازؔ

صدقۂ مصطفیٰ بخش دینا مجھے

ہوں سراپا گنا ہوں میں ڈوبا ہوا