ruuh-o-badan me.n qaul-o-'amal me.n kitne jamiil hai.n aap
ruuh-o-badan me.n qaul-o-'amal me.n kitne jamiil hai.n aap
Ahmad Nadeem Qasmi
MORE BYAhmad Nadeem Qasmi
ruuh-o-badan me.n qaul-o-'amal me.n kitne jamiil hai.n aap
insaa.n hai masjuud-e-malaa.ik is kii daliil hai.n aap
aap kii ik ik baat kalaam-e-ilaahii kii tafsiir
qur.aa.n to ijmaal-e-baliiG hai aur tafsiil hai.n aap
aap naved-’iisaa bhii hai.n muzhda-e-muusaa bhii
aap iisaar-o-vafaa ke vaaris sabt-e-kHaliil hai.n aap
aap ke zikr se khulte jaa.e.n raaz jahaano.n ke
qadam-qadam pe vajuud-o-'adam me.n sab ke kafiil hai.n aap
makka-o-taa.if kii galiyo.n me.n sa.ng-sitam ke hadaf
badr-o-honain ke maidaano.n me.n batal-e-jaliil hai.n aap
roz-e-azal insaa.n ko KHudaa ne ik manshuur diyaa
aur usii manshuur-e-hidaayat kii takmiil hai.n aap
kitne yaqii.n se ba.Dhtaa jaa.e aap kii samt 'nadiim'
us ko kyaa andesha-e-shab jis kii qindiil hai.n aap
ruuh-o-badan me.n qaul-o-'amal me.n kitne jamiil hai.n aap
insaa.n hai masjuud-e-malaa.ik is kii daliil hai.n aap
aap kii ik ik baat kalaam-e-ilaahii kii tafsiir
qur.aa.n to ijmaal-e-baliiG hai aur tafsiil hai.n aap
aap naved-’iisaa bhii hai.n muzhda-e-muusaa bhii
aap iisaar-o-vafaa ke vaaris sabt-e-kHaliil hai.n aap
aap ke zikr se khulte jaa.e.n raaz jahaano.n ke
qadam-qadam pe vajuud-o-'adam me.n sab ke kafiil hai.n aap
makka-o-taa.if kii galiyo.n me.n sa.ng-sitam ke hadaf
badr-o-honain ke maidaano.n me.n batal-e-jaliil hai.n aap
roz-e-azal insaa.n ko KHudaa ne ik manshuur diyaa
aur usii manshuur-e-hidaayat kii takmiil hai.n aap
kitne yaqii.n se ba.Dhtaa jaa.e aap kii samt 'nadiim'
us ko kyaa andesha-e-shab jis kii qindiil hai.n aap
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
