Sufinama

واہ کیا مرتبہ اے غوث ہے بالا تیرا

احمد رضا خاں

واہ کیا مرتبہ اے غوث ہے بالا تیرا

احمد رضا خاں

MORE BYاحمد رضا خاں

    دلچسپ معلومات

    منقبت درشان حضرت شیخ عبدالقادر جیلانی (بغداد۔عراق)

    واہ کیا مرتبہ اے غوث ہے بالا تیرا

    اونچے اونچوں کے سروں سے قدم اعلیٰ تیرا

    سربھلا کیا کوئی جانے کہ ہے کیسا تیرا

    اولیا ملتے ہیں آنکھیں وہ ہے تلوا تیرا

    کیا دبے جس پرحمایت کا ہو پنجہ تیرا

    شیر کو خاطر میں لاتا نہیں کُتا تیرا

    تو حسینی حسنی کیوں نہ محی الدیں ہو

    اے خضر مجمع بحرین ہے چشمہ تیرا

    قسمیں دے دے کے کھلاتا ہے پلاتا ہے تجھے

    پیارا اللہ تیرا چاہنے والا تیرا

    مصطفیٰ کے تنِ بے سایہ کا سایہ دیکھا

    جس نے دیکھا میری جاں جلوۂ زیبا تیرا

    ابن زہرا کو مبارک ہو عروسِ قدرت

    قادری پائیں تصدق مرے دولہا تیرا

    کیوں نہ قاسم ہو کہ توابن ابی القاسم ہے

    کیوں نہ قادر ہو کہ مختار ہے بابا تیرا

    نبوی ظل علوی فصل بتولی گلشن

    حسنی چاند پھول حسینی ہے مہکنا تیرا

    نبوی ظل علوی بُرج بتولی منزل

    حسنی چاند حسینی ہے اجالا تیرا

    نبوی خور، علوی کوہ، بتولی معدن

    حسنی لعل حسینی ہے تجلا تیرا

    بحروبر شہرو قریٰ سہل وخزن دشت وچمن

    کون سے چک پہ پہنچتا نہیں دعویٰ تیرا

    حسن نیت ہو خطا پھر کبھی کرتا ہی نہیں

    آزما یا ہے یگانہ ہے دوگانہ تیرا

    عرضِ احوال کی پیاسوں میں کہاں تاب مگر

    آنکھیں اے ابر کرم تکتی ہیں رستہ تیرا

    موت نزدیک گناہوں کی تہیں میل کے خوں

    آ برس جا کہ نہا دھولے یہ پیاسا تیرا

    آب آمد وہ کہے اور میں تیمم برخاست

    مشت خاک اپنی ہو اور نور کا ہالا تیرا

    جان تو جاتے ہی جائے گی قیامت یہ ہے

    کہ یہاں مرنے پہ ٹھہرا ہے نظارہ تیرا

    تجھ سے در در سے سگ اور سگ سے ہے مجھ کو نسبت

    میری گردن میں بھی ہے دور کا ڈورا تیرا

    اس نشانی کے جو سگ ہیں نہیں مارے جاتے

    حشر تک میرے گلے میں رہے پٹّا تیرا

    میری قسمت کی قسم کھائیں سگانِ بغداد

    ہند میں بھی ہوں تو دیتا رہوں پہرا تیرا

    تیری عزت کے نثار اے مرے غیرت والے

    آہ صد آہ کہ یوں خوار ہو بردا تیرا

    بد سہی چور سہی مجرم وناکارہ سہی

    اے وہ کیسا ہی سہی ہے تو کریما تیرا

    مجھ کو رسوا بھی اگر کوئی کہے گا تو ہوں

    کہ وہی نا وہ رضا بندۂ رسوا تیرا

    ہیں رضاؔ یوں نہ بلک تو نہیں جید تو نہ ہو

    سید جیدّ ہر دہر ہے مولا تیرا

    فخرِ آقا میں رضا اور بھی اک نظم رفیع

    چل لکھالائیں ثناخوانوں میں چہرا تیرا

    مأخذ :
    • کتاب : حدائقِ بخشش (Pg. 4)
    • Author : اعلیٰ حضرت مولانا احمد رضا خاں

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY