raunaq-e-bazm-e-jahaa.n hai.n ’aashiqaan-e-soKHta

raunaq-e-bazm-e-jahaa.n hai.n ’aashiqaan-e-soKHta

kah rahii hai shama' kii goyaa zabaan-e-soKHta

jis ko qurs-e-mehr samjhaa hai jahaa.n ai mun'imo

un ke KHvaan-e-juud se hai ek naan-e-soKHta

maah-e-man ye nayyar-e-mahshar kii garmii taabkai

aatish-e-’isyaa.n me.n KHud jaltii hai jaan-e-soKHta

barq-a.ngusht-e-nabii chamkii thii us par ek baar

aaj tak hai siina-e-mah me.n nishaan-e-soKHta

kuucha-e-gesuu-e-jaanaa.n se chale ThanDii nasiim

baal-o-par afshaa.n ho.n yaa-rab bulbulaan-e-sokHta

aatish-e-tar-daamanii ne dil kiye kyaa kyaa kabaab

KHizr kii jaa.n ho jilaa do maahiyaan-e-sokHta

aatish-e-gul-haa-e-taibaa par jilaane ke liye

jaan ke taalib hai.n pyaare bulbulaan-e-soKHta

ai 'razaa' mazmuun-e-soz-e-dil kii rif'at ne kiyaa

is zamiin-e-soKHta ko aasmaan-e-soKHta

raunaq-e-bazm-e-jahaa.n hai.n ’aashiqaan-e-soKHta

kah rahii hai shama' kii goyaa zabaan-e-soKHta

jis ko qurs-e-mehr samjhaa hai jahaa.n ai mun'imo

un ke KHvaan-e-juud se hai ek naan-e-soKHta

maah-e-man ye nayyar-e-mahshar kii garmii taabkai

aatish-e-’isyaa.n me.n KHud jaltii hai jaan-e-soKHta

barq-a.ngusht-e-nabii chamkii thii us par ek baar

aaj tak hai siina-e-mah me.n nishaan-e-soKHta

kuucha-e-gesuu-e-jaanaa.n se chale ThanDii nasiim

baal-o-par afshaa.n ho.n yaa-rab bulbulaan-e-sokHta

aatish-e-tar-daamanii ne dil kiye kyaa kyaa kabaab

KHizr kii jaa.n ho jilaa do maahiyaan-e-sokHta

aatish-e-gul-haa-e-taibaa par jilaane ke liye

jaan ke taalib hai.n pyaare bulbulaan-e-soKHta

ai 'razaa' mazmuun-e-soz-e-dil kii rif'at ne kiyaa

is zamiin-e-soKHta ko aasmaan-e-soKHta