دشمن_احمد پہ شدت کیجیے
دشمن احمد پہ شدت کیجیے
ملحدوں کی کیا مروت کیجیے
ذکر ان کا چھیڑئیے ہر بات میں
چھیڑنا شیطاں کا عادت کیجیے
مثل فارس زلزلے ہوں نجد میں
ذکر آیات ولادت کیجیے
غیظ میں جل جائیں بے دینوں کے دل
یا رسول اللہ کی کثرت کیجیے
آپ درگاہ خدا میں ہیں وجیہ
ہاں شفاعت بالوجاہت کیجیے
حق تمہیں فرما چکا اپنا حبیب
اب شفاعت بالمحبت کیجیے
اذن کب کا مل چکا اب تو حضور
ہم غریبوں کی شفاعت کیجیے
غوث اعظم آپ سے فریاد ہے
زندہ پھر یہ پاک ملت کیجیے
یا خدا تجھ تک ہے سب کا منتہیٰ
اولیا کو حکم نصرت کیجیے
میرے آقا حضرت اچھے میاں
ہو رضاؔ اچھا وہ صورت کیجیے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
