ایسا طالب نہیں ہے کوئی جیسا حق تعالیٰ ہے

ایسا طالب نہیں ہے کوئی جیسا حق تعالیٰ ہے

کوئی نہیں محبوب ایسا جیسا کملی والا ہے

طہٰ کا سرتاج سجا ہے دوش پہ کمبل کالا ہے

آنکھوں میں مازاغ کا کجلا آپ خدا نے ڈالا ہے

دنیا کہتی ہے یہ حلیمہ تو نے نبی کو پالا ہے

میں کہتا ہوں تجھے حلیمہ میرے نبی نے پالا ہے

اپنی بخشش اپنی بھلائی کا یہ کام نکالا ہے

اپنے نبی کے گن گاتے ہیں جب سے ہوش سنبھالا ہے

کون ہے جس نے پائی نہیں ہے عزت عظمت اس در سے

اس در کی تم بات نہ پوچھو وہ در سب سے اعلیٰ ہے

جگمگ جگمگ ذرہ ذرہ روشن تارہ تارہ ہے

آمنہ بی کے چاند کا صدقہ گھر گھر نور اجالا ہے

کوئی نہیں غم توڑ لے رشتہ مجھ سے نیازیؔ یہ دنیا

میرا والی میرا آقا شہر مدینہ والا ہے