میرے سرکار خواجۂ اجمیر
میرے سرکار خواجۂ اجمیر
میرے مختار خواجۂ اجمیر
ہر مصیبت ہر ایک مشکل میں
ہیں مددگار خواجۂ اجمیر
غم کا طوفان ہے اور میری ناؤ
کیجئے پار خواجۂ اجمیر
میرے دامن میں بھی کوئ موتی
اے گُہر بار خواجۂ اجمیر
میرے مالک مرے معین الدین
میرے مختار خواجۂ اجمیر
میرے آقا مرے غریب نواز
میرے سرکار خواجۂ اجمیر
اپنے سائل کو پاس بلوائیں
کاش ہر بار خواجۂ اجمیر
اپنے خادم کو بھی دکھا دیتے
اپنا دیدار خواجۂ اجمیر
میرے مشکل کشا معین الدین
میرے غمخوار خواجۂ اجمیر
قلب میں ہے عقیدت چشتی
لب پہ ہر بار خواجۂ اجمیر
جان و سامان میرا سب تن من
تم پہ بلہار خواجۂ اجمیر
اب دکھا دو فقیر کو اپنے
اپنا دربار خواجۂ اجمیر
اپنے اجملؔ پہ بھی نگاہ کرم
اے کرم گار خواجۂ اجمیر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
