ہے محشر میں کافی وسیلہ تمہارا

ہے محشر میں کافی وسیلہ تمہارا

تم آقا ہو میرے میں بندہ تمہارا

سمائے نظر میں کھنچے میرے دل میں

یہ صورت تمہاری یہ نقشہ تمہارا

خبر تم نہ لوگے تو پھر کون لے گا

میں آخر تو ہوں نام لیوا تمہارا

جو تم سے نہ مانگے یہ اس کی خطا ہے

سخاوت کا بہتا ہے دریا تمہارا

جو کچھ مانگنا ہے تو مانگو اسی سے

بڑا دینے والا ہے داتا تمہارا

مکاں کوہے زینت مکیں کے قدم سے

ہے مکّہ سے افضل مدینہ تمہارا

تمنّا ہے اکبرؔ کی روزِ قیامت

اٹھوں پڑھ کے مدفن سے کلمہ تمہارا