میری آنکھوں میں ہے جلوہ علاؤالدین صابر کا

میری آنکھوں میں ہے جلوہ علاؤالدین صابر کا

میں دیوانہ ہوں مولانا علاؤالدین صابر کا

گدا اس آستانے کے نہ چاہیں تاج سلطانی

عجب دریا رہے مولا علاؤالدین صابر کا

چلو اے تشنگانِ جام وحدت دشتِ کلیر کو

ہے امڑا فیض کا دریا علاؤالدین صابر کا

یہ نوبت آ گئی جاتا ہے اک عالم زیارت کو

بجا ہے سند میں ڈنکا علاؤالدین صابر کا

جسے منظور ہو شانِ الٰہی دیکھنی ظاہر

وہ آ کر دیکھ لے جلوہ علاؤالدین صابر کا

نہ کھایا آپ کھانا اور زمانے کو کھلاتے تھے

لقب اس صبر میں پایا علاؤالدین صابر کا

ہوئی مسجد شہید اور دب گیے جو تھے وہاں حاضر

خدا کا قہر ہے جذبہ علاؤالدین صابر کا

کوئی پوچھے کہ اکبرؔ کس کا بردہ ہے تو کہہ دوں گا

علاؤالدین صابر کا علاؤالدین صابر کا