کیا شان ہے جناب رسالت مآب کی
کیا شان ہے جناب رسالت مآب کی
نظریں جھکی ہوئی ہیں مہ و آفتاب کی
بخشا کلامِ پاک سے رنگِ حیات نو
تعلیم کہہ رہی ہے مقدس کتاب کی
مذہب کو زندگی کے عمل سے ملا دیا
ممنونِ التفات ہے امت جناب کی
قرآن پاک اس کی صداقت پہ ہے گواہ
تھی کن بلندیوں پہ رسائی جناب کی
مرہون لطف صرف مسلمان ہی نہیں
منت کشِ کرم ہے خدائی جناب کی
میرے بھی حال زار پہ ہو اک نگاہ لطف
بگڑی بنانے والے جہانِ خراب کی
اکملؔ کہیں مقامِ ادب ہاتھ سے نہ جائے
توصیف لکھ رہے ہیں رسالت مآب کی
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
