حامی ہے عزیز_و_شہ_لولاک ہمارا

حامی ہے عزیز و شہ لولاک ہمارا

کر سکتی ہے کیا گردش افلاک ہمارا

محشر میں مددگار ہے وہ شافع محشر

دل آتش دوزخ سے ہے بے باک ہمارا

ایک بار الٰہی رخ پر نور دکھا دے

ہو جائے شگفتہ دل غم ناک ہمارا

للہ ہمیں اب تو مدینہ میں بلا لو

دل درد جدائی سے ہے صد چاک ہمارا

فرقت میں تیری پیارے نبی سوز دروں سے

جل جل کے جگر ہو گیا بس خاک ہمارا

پڑھنے سے ثنائے شہ عالم علی احمد

دل دنیا کے ہر غم سے ہوا پاک ہمارا