محبوب_الٰہی ہو سلطان نظام_الدین

محبوب الٰہی ہو سلطان نظام الدین

ہے چشت کے ولیوں میں کیا شان نظام الدین

یہ چشت نگر کی سب دولت کا کرشمہ ہے

یہ فیض فریدی ہے فیضان نظام الدین

صدقۂ نصیرالدین کچھ بھیک عطا کیجے

خالی ہے میرا بھر دو دان نظام الدین

ہے باغ فریدی میں کیا پھول کھلے دیکھو

گر دل ہے علی احمد تو جان نظام الدین

توحید کے نغمے ہیں جو آپ کا فرمانا

اور روئے منور ہے قرآن نظام الدین

چلمن کو اٹھا دیجے دیدار دکھا دیجے

عالم ہوا جاتا ہے قربان نظام الدین

اس امیرؔ کو اس مے کی تلچھٹ ہی عطا کیجے

جو بخشا ہے خسرو کو عرفان نظام الدین