جو محبوب_خدا ہے اور شہنشاہ_مدینہ ہے

جو محبوب خدا ہے اور شہنشاہ مدینہ ہے

وہ سلطان دو عالم میرا کالی کملی والا ہے

قدم معراج میں جو عرش اعظم کی بنے زینت

وہ گلیاں ہائے جن گلیوں نے ان قدموں کو چوما ہے

نبی تو آئے ہیں لاکھوں مگر یہ شان ہے ان کی

جہاں کوئی نہ پہنچا آمنہ کا لال پہنچا ہے

ہزاروں دل بنے ہیں فرش راہ ان راہوں میں واللہ

قسم حق کی جدھر سے کاروان حسن گزرا ہے

کتاب عشق کی تفسیر میں لکھا یہ دیکھا ہے

جو دیوانہ محمدؐ کا وہی بندہ خدا کا ہے

عدم سے لائی ہستی میں ہے جس کی جستجو مجھ کو

امیرؔ صابری وہ گنبد خضریٰ میں دیکھا ہے