ہو سکتا نہیں کوئی بھی حسان_مصطفیٰ

ہو سکتا نہیں کوئی بھی حسان مصطفیٰ

وہ ہو گیا جو گیا قربان مصطفیٰ

جس کو سنا حضور نے بٹھلا کے سامنے

حاصل ہوا اسی کو ہے عرفان مصطفیٰ

حسان بن ثابت کا مقام اللہ اکبر

شامل ہیں گویا جملۂ یاران مصطفیٰ

نغموں سے جس کے وجد میں کون و مکاں ہوئے

وہ ہیں حسان بلبل بستان مصطفیٰ

مطلوب تھے مرغوب تھے محبوب تھے ایسے

ہر روز آپ ہوتے تھے مہمان مصطفیٰ

رومی و حافظ سعدی و جامی جہاں جھکے

اس بزم کے زینت حسان مصطفیٰ

ایسا ہوا نہ ہے نہ کوئی ہوگا نعت خواں

مانا ہے قدسیوں نے ثنا خوان مصطفیٰ

آئے امیرؔ صابری محشر میں اس طرح

سر پہ ہو اس کے سایۂ دامان مصطفیٰ