اللہ اللہ شانِ محمد صلی اللہ علیہ وسلم!
اللہ اللہ شانِ محمد صلی اللہ علیہ وسلم!
روح الامیں دربانِ محمد صلی اللہ علیہ وسلم
ساقئ کوثر، شافعِ محشر، نبیوں کے سرور محبوبِ داور
ہے قرآں عنوانِ محمد صلی اللہ علیہ وسلم
نبیٔ مکرم، فخر دو عالم، رہبرِ اعظم، نورِ مجسم
حکمِ خدا فرمانِ محمد صلی اللہ علیہ وسلم
مستوں نے دیکھا مستوں نے سمجھا، پایا تو قرنی و حبشی نے پایا
راز مئے عرفانِ محمد صل اللہ علیہ وسلم
کہتے ہیں جس کو شہرِ مدینہ، رحمتِ حق کا ہے وہ خزینہ
یہ ہی تو ہے فیضانِ محمد صلی اللہ علیہ وسلم
نظرِ کرم یا شاہِ زمن ہو کاش مدینہ میرا وطن
جاں ہو میری قربانِ محمد صلی اللہ علیہ وسلم
یا رب امیرؔ کی ہے یہ تمنا عرصۂ حشر میں ہو جب آنا
ہاتھ میں ہو دامانِ محمد صلی اللہ علیہ وسلم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
