نہیں خلق ہی میں یہ غلغلہ تیری شان_جل_جلالہ

نہیں خلق ہی میں یہ غلغلہ تیری شان جل جلالہ

سر عرش بھی ہے لکھا ہوا تیری شان جل جلالہ

تیری ذات مالک کن فکاں تیری ذات خالق انس و جاں

تیرے در کے شاہ بھی ہیں گدا تیری شان جل جلالہ

تیرا نام پاک دوائے دل تیرا ذکر پاک غذاۓ دل

تیرا شکر کس سے ہوا ادا تیری شان جل جلالہ

ہے کریم تو ہے رحیم تو ہے علیم تو ہے قدیم تو

ہے محال حصر صفات کا تیری شان جل جلالہ

ہے زمانے بھر پہ کرم ترا بھرے کیوں زمانہ نہ دم ترا

در فیض خلق پہ ہے کھلا تیری شان جل جلالہ

میرے دل کو صبر و قرار دے میرے بگڑے کام سنوار دے

مجھے ہے ترا ہی اک آسرا تیری شان جل جلالہ