ہے رنگ اسی سے مہر کا فق آسمان پر
ہے رنگ اسی سے مہر کا فق آسمان پر
جس نے کیا تھا ماہ کو شق آسمان پر
دل کو تڑپ دکھاؤں جو حضرت کے عشق میں
پہنچیں زمیں کے ہفت طبق آسمان پر
حضرت نے خاک پا سے کیا اس کو سرفراز
ثابت ہوا زمین کا حق آسمان پر
اس تاجدارِ دیں کا جو لکھا ہے ہم نے وصف
ٹوپی اچھالتا ہے ورق آسمان پر
اٹھوائیں بوجھ آپ جو اپنے وقار کا
آ جائے قدسیوں کو عرق آسمان پر
آتی ہے مجھ کو یاد مدینے کی گل زمیں
جس وقت پھولتی ہے شفق آسمان پر
تھے جلوہ گر زمین پہ حضرت مگر امیرؔ
دیتے تھے قدسیوں کو سبق آسمان پر
مأخذ :
- کتاب : نعت کے چند شعرائے معتقدین (Pg. 84)
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
