قبضہ پائیں گے کسی دن خلد میں گلزار پر

قبضہ پائیں گے کسی دن خلد میں گلزار پر

داغ کھاتے ہیں جو عاشق آپ کے رخسار پر

طائران عرش سے آنکھیں ملاتے ہیں طیور

بیٹھ کر اس روضۂ پُرنور کی دیوار پر

وہ بھی بکتے تھے تمہارے نام سے یا شاہ دیں

منکشف ہے حامل یوسف مردم بازار پر

کیوں نہ مومن دل سے ہوں دارفتہ ابروئے شاہ

راہ چلتا ہے صراطِ حشر کی دیوار پر

دور باغ شرع سے ہے جس کو کہتے ہیں خلش

کب ہیں کانٹے گلشن فردوس کی دیوار پر

مدحت دندان مولیٰ اس سے ہوتی ہے رقم

ابر نیساں کا گماں ہے کلک گوہر بار پر

چشم مولیٰ سے یہ ہم چشمی کا دعویٰ کیا کرے

مردنی چھائی ہوئی ہے نرگس بیمار پر

نامۂ عصیاں مرا کیوں کر نہ دھو جائے امیرؔ

فوق ہے ابر کرم کو ابر دریا بار پر