ہر آن ایک شان سے نئی صفت دکھائے جا

ہر آن ایک شان سے نئی صفت دکھائے جا

بنائے جا مٹائے جا مٹائے جا بنائے جا

کبھی نمود مہر ہو کبھی ظہور قہر ہو

ہنسائے جا رلائے جا رلائے جا ہنسائے جا

کبھی تو دل میں ہو سکوں کبھی ہو خشک غم سے خوں

جلائے جا بجھائے جا بجھائے جا جلائے جا

کبھی سحر کی شام کر کبھی ہو شام کی سحر

جگائے جا سلائے جا سلائے جا جگائے جا

کبھی تو تخت پر بٹھا کبھی تو خاک پر سلا

گرائے جا اٹھائے اٹھائے جا گرائے جا

کبھی تو بے حجاب آ کبھی تہ نقاب آ

دکھائے جا چھپائے جا چھپائے جا دکھائے جا

اس امجدؔ غریب کو غریب خوش نصیب کو

ہلال و بدر کی طرح گھٹائے جا بڑھائے جا