کرم کی اک نظر مجھ پر مرے سرکار ہو جائے

کرم کی اک نظر مجھ پر مرے سرکار ہو جائے

تڑپتا دل ہے میرا آپ کا دیدار ہو جائے

کہاں ایسے عمل میرے کہ میں بخشا جاؤں محشر میں

نظر آقا کی ہو جائے تو بیڑا پار ہو جائے

خدا کا فضل ہو جائے خدا کا فضل ہو جائے

نبی کے نام پر قرباں مرا گھر بار ہو جائے

میرے آقا یہی ایک آرزو دل میں مچلتی ہے

مدینہ دیکھ لوں میں بھی کرم سرکار ہو جائے

فقط اتنا سبب ہے بزم محشر کے سجانے کا

بروز حشر تمہاری شان کا اظہار ہو جائے

بڑا ہی فضل ہو جائے اگر تشریف لے آئیں

قدم سے آپ کے محفل گلِ گلزار ہو جائے

تصور میں کمال اتنا مجھے اللہ مل جائے

میں جب چاہوں مدینے کا مجھے دیدار ہو جائے