گر دیکھ سکے کوئی تو خسرو تری ہستی

گر دیکھ سکے کوئی تو خسرو تری ہستی

اک جلوۂ صد خود گری و خود شکنی تھی

اک دولتِ آواز تھی اک دولتِ احساس

مہمان مرے گھر تری شیریں سخنی تھی

مرے نفس سرد میں بھی جاگے تو اک بات

ترے نفس گرم سے جو دنیا بنی تھی

آواز سے پہلے تری، اردو جسے کہیے

اک چیز لچر سی بہ زبانِ دکنی تھی

اک موجۂ گل رنگ تھا آواز کا عالم

کیا خوش چمنی خوش چمنی خوش چمنی تھی

تو خالق صدا نجمن و بزم تھا لیکن

قسمت میں فروزاں، تری خود انجمنی تھی