یا شہ انبیا یا شہ انبیا
کیا لکھے گا قلم آپ کا مرتبہ
یا شہِ انبیا یا شہِ انبیا
آپ کا مرتبہ رب نے اونچا کیا
یا شہ انبیا یا شہ انبیا
یہ زمیں ہے بنی آسماں ہے بنا
بزمِ کونین کا گلستاں ہے بنا
آپ کے صدقے سارا جہاں ہے بنا
یا شہ انبیا یا شہ انبیا
حسنِ اخلاق ایسا کسی کا نہیں
ایسا دیکھا نہیں اور سنا بھی نہیں
آپ نے دشمنوں کو بھی دی ہے دعا
یا شہ انبیا یا شہ انبیا
عیسیٰ موسیٰ و آدم سبھی ہیں کھڑے
صحنِ اقصیٰ میں سب مقتدی ہیں کھڑے
سارے نبیوں کے ہیں آپ ہی مقتدا
یا شہ انبیا یا شہ انبیا
کیا کہے آقا کتنا گنہگار ہے
حاضری کا یہ پھر بھی طلب گار ہے
دیکھے انظارؔ بھی آستاں آپ کا
یا شہ انبیا یا شہ انبیا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
