حامل جلوۂ ازل پیکر نور ذات تو!

حامل جلوۂ ازل پیکر نور ذات تو!

شان پیمبری سے ہے سرور کائنات تو

فیض عمیم سے تری قلب و نظر کی وسعتیں

مومن حق پرست کا حوصلہ نجات تو

ترے عمل کے درس سے گرم ہے خون ہر بشر

حسن نمود زندگی رنگ رخ حیات تو

عقدہ کشائی ایں و آں نور فزائے ہر مکاں

قبلہ اہل دل ہے تو رونق شش حیات تو

مورد التفات ہم تری نوازشات سے

ذات خدائے پاک سے وقفِ نواز شات تو

قلب و نظر کے راز سب و ہر منکشف ہوئے

روح جہاں راز تو جاں مکاشفات تو

کس کا ہے ظرف یوں نمائے شوق کا گنج شائگاں

کھول کے ہمپہ رکھ گیا قلب کے واردات تو

مدح سرائے مصطفیٰ ہے تو عمل بھی چاہیے

عرشؔ جو ہو سکے تو ہو عزم میں پر ثبات تو