سراجِ بطحیٰ منیرِ طیبہ ضیائے عالم تمہیں تمہیں ہو

سراجِ بطحیٰ منیرِ طیبہ ضیائے عالم تمہیں تمہیں ہو

تمہیں ہو آقا تمہیں ہو داتا رضائے عالم تمہیں تمہیں ہو

تمہیں ہو احمد تمہیں محمد تمہیں ممجد تمہیں مؤید

برائے خلقت ہوئی ہے آمد بنائے عالم تمہیں تمہیں ہو

نگاہیں آقا لگی ہیں تم سے امیدیں شاہا بندھی ہیں تم سے

ملک بشر جن سبھی کی تم سے رجائے عالم تمہیں تمہیں ہو

نبیِ رحمت خدا کی نعمت ملک کی حجت بشر کی عظمت

دلوں کی راحت مسیحِ امت شفائے عالم تمہیں تمہیں ہو

رحیم تم ہو کریم تم ہو خدا کا فضلِ عظیم تم ہو

جناں کے شاہا قَسِیم تم ہو عطائے عالم عالم تمہیں تمہیں ہو

کھڑا ہے ارشدؔ حضورِ داور گنہ کا دفتر ہے لادے سر پر

سنبھالو بڑھ کر ہمارے سرور صدائے عالم تمہیں تمہیں ہو