حبيبِ خدا کا مقام اللہ اللہ
حبيبِ خدا کا مقام اللہ اللہ
پکارے نہ رب لے کے نام اللہ اللہ
ذرا دیکھو معراج میں شانِ احمد
خدا خود ہے محوِ کلام اللہ اللہ
حضوری میں ہوتے ہیں حاضر ملائک
شب و روز بہرِ سلام اللہ اللہ
تری مے کی مستی کا مستان ہے وہ
جو پیتا ہے الفت کا جام اللہ اللہ
مقدر میں لکھ جائے یا رب ہمارے
مدینہ کا دارالسلام اللہ اللہ
سر حشر سوئے جناں وہ چلا ہے
غلامِ نبی خوش خرام اللہ اللہ
مقدر کا ہو جائے روشن ستارا
جو ارشدؔ کا لے لیں سلام اللہ اللہ
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
