زلف معنبر دیکھ رہے ہیں
زلف معنبر دیکھ رہے ہیں
روئے منور دیکھ رہے ہیں
ساقی کوثر دیکھ رہے ہیں
شافع محشر دیکھ رہے ہیں
دیر سے ہم اک آس لگائے
روضۂ اطہر دیکھ رہے ہیں
ہوتی نہیں تسکین نظر کی
گو کہ برابر دیکھ رہے ہیں
دونوں جہاں ہیں جن سے معطر
ہم وہ گلِ تر دیکھ رہے ہیں
ان کی طرف ہیں سب کی نگاہیں
وہ سوئے داور دیکھ رہے ہیں
آج ہم اپنے دل کو اسلمؔ
عرش کا ہم سر دیکھ رہے ہیں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
