ہو کبھی اس طرف بھی گزر مصطفیٰ
ہو کبھی اس طرف بھی گزر مصطفیٰ
اپنے اظہرؔ کی لینا خبر مصطفیٰ
مجھ پہ ہو آپ کی جب نظر مصطفیٰ
جگمگا جاؤں مثلِ قمر مصطفیٰ
آپ کے ہیں قدم، میرا سر مصطفیٰ
آپ کا ہر نشاں میرا گھر مصطفیٰ
نور سے آپ کے سب منور ہوئے
پتیاں، پھول شافیں، شجر مصطفیٰ
صبح دو شنبہ سارا عرب کہہ اٹھا
ہر خبر سے ہیں اچھی خبر مصطفیٰ
ظلم کفار و مشرک تو ڈھاتے رہے
آپ کرتے رہے در گزر مصطفیٰ
جانے کس سمت سے آپ ہوں جلوہ گر
دل کو رکھا ہے ہر موڑ پر مصطفیٰ
زیست کی رہگزر کتنی آسان ہے
آپ کا نام ہے ہمسفر مصطفیٰ
ایسے مل کر رہیں امتی آپ کے
جیسے رہتے ہیں شیر و شکر مصطفیٰ
سب نے مانا ہے اظہرؔ غلام آپ کا
کون پہچا سکے اب ضرر مصطفیٰ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
