مدینے کی مٹی ہے سب سے نرالی
مدینے کی مٹی ہے سب سے نرالی
مدینے میں ہیں سب جہانوں کے والی
مدینے کا پانی تو آبِ شفا ہے
وہاں کی ہوا زندگی دینے والی
ہوا ہوتا پیدا جو دورِ نبی میں
میں دن رات سنتا اذانِ بلالی
وہ محبوب داور ہیں ساقی کوثر
خدا نے کبھی بات ان کی نہ ٹالی
مجھے پھر بلائیں مدینے میں آقا
میں جی بھر کے دیکھوں گا روضے کی جالی
پسینہ شہِ دیں کا صد رشکِ عنبر
وہیں سے گلوں نے وہ خوشبو چرالی
وہی سب سے بالا وہی سب سے والا
وہی رب کے پیارے وہی سب سے عالی
مجھے اپنے قدموں میں رکھ لیجیے گا
میں آؤں گا اک روز بن کر سوالی
کراچی سے بھیجے ہیں خاکیؔ نے آقا
سلامتوں کے تحفے درودوں کی ڈالی
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
